حبك مات عدنه احنه ودفّنااه
و ثوب اسود لبسنه احنه و حزانه
نحزن مو عليك انت حرامات
ما نحزن على الباعو هوانه
نحزن عل مضه من ايامنه الحلوات
وخلينه الفرح يركض ورانه
عفنه هوايه لأجلك وانت ماحسيت
و لأجل عينك تحملنه المهانه
وتالي بكل صلافه تخون الاحساس
وتطعنّه ب برود و من ورانه
جنت طير وترفرف فوك غيم الشوگ
اطلع بره متريدك سمانه
شلت كتاب حبك من رفوف العين
يل كتابك طلع اسمه خيانه
واذا روحي تحن راح اكتل الروح
وبيدي وداعتك انه اكتل انه
الف وسفه على الباعو هوانه
وصبر قلبي ولا بيَّن هوانه
يل خاين تكلي.. هو انه؟؟؟
لو انت العفتني وخنت بيه؟؟
موضوع: حبك مات عدنه احنه ودفّنااه 
الخميس 19 يونيو 2014 - 21:06
