يا ريت مارينــــاك
مارينــــاك
يا ريـت مــا رينـاك ........ عندي العقل ما يحمل نهار بلاك
ويش درتلا
خديــت أذنـوبــي ........ بينـك وبين الله يا محبـوبـي
نا كنت متريح وعايش دوبـي ........ ويش جيبك ويش جابني يالاك
نين بالغلا تميت داي وصوبـي........ ولازم عليا نجبدا مدعـاك
وتميت قوتي ونت هومشروبـي ........ وما نريـد فالدنيا أمفيت أرضاك
وتميت صيدي ونت هو مطلوبي ........ وطاش أنضاري يا عزيز وراك
تلاقن أسلوبك فالحياة إسلوبي ........ واللي تحس بيه انحس بيه معاك
وعارف أدروبك خاطيات أدروبـي ........ وعارف ضناي امواسين ضنـاك
وما زلت في شانك انحت أجيوبـي ........ ومازلت ماسـك فيك ما ننسـاك
وما زلت في شانك انشن حروبـي ........ ونعـادي جميع الناس في سباك
يا قرعتي ياقسمـي يا مكتوبـــــي ........ جابك الله وجيت ما نخطـاك