لسلام عليكم ورحمة الله وبركاته
جاءت لى هذه الرسالة على الخاص من عضوة حبيبة وبعد موافقتها تم نشر الرسالة فى باب افتحى قلبك
نرجو التفاعل مع مشكلة اختنا الحبيبة
الرسالة هى
بسم الله الرحمن الرحيم
السلام عليكم ورحمة الله وبركاته
اختي الحبيبه بارك الله فيك ارجو ان يتسع صدرك لمشكلتي وارجو ان اجد الحل عندك او عند اخواتي بارك الله فيكم جميعا
مشكلتي اني عندي ثلاثة اولاد ذكور 21عام 19 عام 11عام
والحمد لله ربتهم احسن تربيه من نظري علي الصلاة والصيام وعودتهم علي الصدقة وعدم مشاهدة الافلام الاباحية او حتي الي فيها اي منظر خليع المهم فوجئت بعد ما دخلو الكليه ان انا كنت غلط وان ربتهم غلط ده من وجهة نظرهم ليه مسبتناش نشوف ونخرج ونروح السينما ونعمل زي الاولاد الي مثلنا المهم المشكله كل يوم بتكبر الخروج كل يوم سهر علي الكافيه والله اعلم بيشربوا سجاير وبيكلموبنات علي الموبايل
والمصيبه لما دخلت النت وانا اللي سعيت لدخول النت لما عرفت الخير العظيم الي فيه ده من وجهة نظري حفظ قران ودروس علم
لكن سرعان ما عرفوا يدخلو علي الفيس بوك والياهو واشات وطول وجودهم في البيت هو علي النت ومهما اتكلم ولا كاني بتكلم ومهما انصح ولا كانهم سامعين
لغاية لما استيقظت بالامس عليهم واحد جالس علي النت وواحد بيتكلم في الموبايل اعمل ايه صرخت باعلي صوتي حسبي الله ونعم الوكيل حسبي الله ونعم الوكيل مش خايفين ربنا يموتكم الان حتعملوا ايه حتقابله ازاي ربنا يتنزل الان الي السموات الدنيا مش خايفين منه وانهيار
صحي والدهم اخذ الموبيلات منهم وقال النت مش شغال تاني طيب وانا اعمل ايه هو ده حياتي انا ما صدقت لقيت نفسي الحمد لله صحبه صالحة وذكر ودروس وتحفيظ اعمل ايه اعمل ايه ساعدوني ارجوكم ارائكم مهمة لي انصحوني انا بدعليهم ليل نهار ربنا يهديهم ويجعل قرة اعينهم في الصلاة ويعميهم عن الحرام كله
اسفة انا ما حسيت بهذة الاطاله لكن قلبي مجروح تعب السنين راح حلمي يكون ذريتي صالحة ضاع كل شئ
الحمد لله علي كل حال هو له حكمة في ذلك سبحانه الله المستعان نقره لعرض الصورة في صفحة مستقلة