"..الحلم خالد الكيادي.."

ياشرفة الحلم !! دام الواقع اهاتي
قولي له اني اوصل له تحياتي
واني تغيرت حيل وصرت ما اشبهني
لاصرت واقف تخالفني مراياتي

تقول لي مين !! اقول الشاعر المبدع
يذبحني الصمت لكن تنطق ابياتي
اوقف احيان مابيني ومابيني
مدري من انصف وانا بين انقساماتي
انصف غرور القصيد المبتلي فيني ؟
ولا انصف انسان فيني حب نزواتي
ولا محايد مع هذا ومع هذا
ياخي تعبت وبدور وين راحاتي
تعبت احاول اكون للفكر حاجه
تغنيه عني ولا يبالي ولا يحاتي
تعبت احاول اركب شي مايركب
عانيت طبع الفشل باغلب قياساتي
ماهو بيعني باني الفاشل المتعب !
لكن بعض الفشل يصنع نجاحاتي
لذلك اصبحت ناجح والسبب ( افشل )
ماقمت الا بعد ماطحت طيحاتي
الصح ! مايكتمل في كوني الامثل
الصح ! لازم اصحح كل غلطاتي
سبحانه الي بيهدني ويصلحني
للخير ....والي بيغفر كل زلاتي
مشكلتي اني احب الكل لكني
معرف طريقه تنميلي علاقاتي
تبادل الضحك والاحضان واحبك
هذي تمثل ترى كل احتياجاتي
من يومني طفل كنت احب لي طفله
تخطط شلون ترسم لي نهاياتي
وللحين ابي الحب لكن جدا اخافه
وللحين ابيها من تسبب معاناتي
الغايبه بنت شيخ الجرح واحلاهم
من علمتني على الفرقا ودمعاتي
واثق باني ابيها رغم ماتفعل
وااثق باني اباسوي حماقاتي
وواثق باشياء لايمكن ابد تحصل
هذي ثقة حلم دام الواقع اهاتي

وااااااااااااو موضوع متميز

» حين يصبح الحلم على المحك
» الحلم لا يتجاوز 6 ثواني؟؟؟كيف ذلك؟؟؟؟
» موضوع عن الحلم و الاحسان
» لماذا يفقد الحلم جماله بعد أن يتحقق ؟
» قصة الشاب خالد