أصل شعب قطر

قطر كانت شبه جزيره فاضيه ماكان فيها شي , الناس صاروا يجون لها يمكن من
ميتين سنه او اقل و يمكن اقل من مئة سنه صاروا يسكنون فيها , و اللي يسكنون
فيها ناس شويه , و أصولهم من إيران أو بدو و هذيله يمكن من ستين سنه أو
نقول مئة سنه , يعني توه.

لكني بتكلم عن اللي أصوله البدويه مثل القبايل الآتيه اللي هم أغلب سكان قطر أو أكثر نسبه من القطريين:

المري

الهاجري

القحطاني

الدوسري

الشمري

النعيمي

المنصوري

التميمي

العنزي

العتيبي

و الكواري <<<<< ترجع أصولهم من بني تميم

و غيرها من القبايل الكثيره

و القبايل اللي جات من ايران و تقول ان اصلها عربي


حبيت أقول معقوله كل هالقبايل كانت تسكن دولة قطر؟؟ و المعروف ان دولة قطر سكانها قليلين جدا

يعني معقوله ذي القبايل تركت جميع الأماكن و سكنت قطر بس؟؟؟

أنا باقول الحقيقه اللي الكل يعرفها

هذي القبايل و أي قبيله , كانت تهاجر من منطقه لمنطقه , ماكنت تسكن منطقه
واحده لأن من زمان ماكان بين اي دوله خليجيه حدود يعني اي واحد في قطر يقدر
يروح الامارات او السعوديه او الكويت و لا كان هناك جوازات , و اللي
يقولون انهم في قطر من 300 سنه او 230 سنه او اربعمية سنه , أنا اقول انهم
جاوا في قطر قبل 300 سنه لكن و لا قبيله تمت في قطر كل هالسنين , أكيد
تنقلت , لأن لو سألنا كل قبيله منهم راح يقولون انهم في قطر من مئات السنين
مع ان ايام اول قطر كانت فاضية , و ولد عمه اللي بالسعودية او اللي
بالامارات راح يجب الف دليل و الف كلام انه من الامارات او السعوديه, شلون
صارت هاي؟؟؟

الحضر اللي يقولون عن نفسم حضر , هذيله في الحقيقه من إيران و توهم في قطر
من ماادري كم مئة سنه و أصولهم من عرب من القبايل المذكوره و القبايل
المذكوره تهاجر.


أنا لاحظت ناس واجد قالوا ان ال مره و الهواجر توهم جاوا قطر , لكن
هم كانوا بدو , يعني هم انخلقوا في شبه الجزيره العربيه و كانوا يدشون قطر
و يسكنون ويطلعون لأن ماكان هناك حدود و لا تركوا ادله الا بعض الادله
اللي ثبتت ان ال مره في قطر من 230 سنه.

القبايل البدويه الثانيه اللي ينقال عنهم توهم داشين قطر و لا لهم دليل ,
لكن شعرفنا يمكنهم جاوا قطر و قعدوا فيه سنين من زمان و لا أحد يدري.

هناك الكثير الكثير من القبايل كانت تجي قطر و لا احد يدري عنهم .

في قبيلة انا مااحب اذكر اسمها , معروفه في قطر صار لهم في قطر من 300 سنه ,
لكن لو رحنا البحرين او السعوديه نلاقيهم هناك بعد و هذا دليل على التنقل و
انا محد تم في قطر سنين وايد , و ان قطر تدخل فيه قبايل و تطلع.

بإختصار ماله داعي أحد يقول قبيلتي الأول أو قبيلتك الأول , لأن احنا
ماندري بالهجرات أيام قبل و القبايل كلها كانت تسكن في نفس المكان و
القبايل اللي ذكرتها كانت تسكن من شمال الخليج لين الجنوب و يتنقلون و
مااظن انها تمسكت قطر من مئات السنين لأنهم مجبروين بأنهم يتنقلون.


القطري الصجي هو اللي متمسك بالعروبه و العادات و التقاليد القطريه و يحمي
بلاده و يحاول يطورها , ياكم ناس من قبايل قطريه معروفه لكن ابنائهم عايشين
مثل الأوروبيين لو قالوا احنا من مئات السنين من قطر , بتقولون مايركب.