راضي بظلم الوقت ، وجروح الايام ( متعب )
راضي بظلم الوقت ، وجروح الايام ( متعب )
السلام عليكم ،، صباح الخير
قصيده لي ،،، كانت بدايتها ثلاث أبيات فقط ،، وأكملتها في ظروف غير مهيأه أطلاقاً للكتابه ،،،
ولكن أنجبرت على كتابتها ، تحقيقاً لرغبة شخص أحترمه وأقدره كثيراً ،،، لأن الثلاث أبيات أللتي كتبتها من قبل ، كانت تُحاكي واقع يعيشه هذا الشخص ،، على حد قوله ،،،
تفضلوها ، وأقبلوها بتواضعها ،، مع كامل ودي للجميع
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘
صغير ياجرح ٍ ، في قلبي له أعوام
بتزول ياهم ٍ ، سكن فالحنايا
راضي بظلم الوقت ،، وجروح الآيام
تكفير لذنوب الزمن ،، والخطايا
على الأقل ،، ماخاف لو جيت أبنام
مظلوم ،، لكن ماظلمت البرايا
وش عاد لو ماتت مع الوقت الأحلام ؟؟
رزقي على اللي ، مايمن العطايا
يقوم ،، ولا جعله الحظ ، ماقـــــــام
كسبت من دونه ،، خصال ومزايا
يمر عام وينتهي ،، ثم يجي عام
وتظهر حقايق يازمن ،، مع خبايا
رفيقك أللي كان ،، فالشده احزام ؟؟
يمكن يكون أكبر عدو ، فالخفايا
ماهي بلحية طيب ياوقت مادام !
صار الحسد ، يعكس سواد النوايا
أكره ماشوف ، الشخص لاصار نمام
وأبغض ماشوف ، أهل الحكي والوشايا
ناس ٍ ، دروب الطيب ، دايم لها ألهــــام
وناس ٍ مشت درب الردى والدنايا
كل ٍ على ذنبه ،، يُـحاسب ،، وينـــــــلام
في يوم ،، كل الناس ، توقف عرايا
لو يعلم الأنسان ،،، عن غدر الآيــــام ؟؟
يتوب عن فعل الغلط ،،، والخطايا
وسلامتكم ،،
( متعب )
،
،
موضوع: راضي بظلم الوقت ، وجروح الايام ( متعب ) 
الإثنين 29 أكتوبر 2012 - 17:45
