حوار سـاخن { المسؤول + المواطن + المذيعة } ‏

أهلا وسهلا أحباب الرحمان
زملائي في المنتدي ادام الله عافيتكم وجعل لكم الفردوس جزاءا
مــعا دوما لنشر الخير والللامبالاة بالضغائن

قصتي :

- في الصــباح الباكر توجهت لكي أدرس كالعادة ، فقدر الله ان انهيها وأقرر الرجوع الي البيت ركبت الحـافلة ، السائق واضع اذاعة شلف وكانت الفقرة هي استضافة مسؤول من مسؤولي بلدية من بلديات شلف
الحوار :

- المذيعة : السلام عليكم اليوم سنحكي عن بعض المشاكل التي مزالت في بلدية {.... } ونستقبل أول اتصال ...ألو .

- المتصل : الو سلام عليكم وشراكم لباس ؟

- المذيعة : لباس الحمد لله .. اخي الكريم ما رأيك في حالة البلدية الحالية ؟

- المتصل : راهي تبهدل يا ختي ، وش نهدر ووش نخلي ؟

- المذيعة : وهل من أشغال او خطط
- المتصل : مكان لا أشغال ولا خطط قتلونا قتلونا ، الطريق محفورة من سنوات كي يسقط المطر نولو كيف الحيوان حاصل في وسط الوحل { الغرسة } ، لا ماء ولا طريق وين رايحين بيها ؟
- المذيعة : { قلقة تحاول اسكات المتصل } استقطعك { انظرو الي اللغة الجميلة ^^ } يا اخي الكريم والان نتحول الي الضيف الكريم المسؤول عن البلدية .. ما رأيك في ما قاله المتصل ؟
- المسؤول : والله وش نقولك يا ختي رانا ناشدو باه يصبرو ورانا عارفين بلي راهم مغبونين ولكن الامر ليس بيدي انا ما بيدي والو ولكن بحول الله هناك مشاريع قادمة بحول الله

- المذيعة : نستقبل اتصال اخر الو
- المتصل : { لا سلام لا والو ^^ ... ياو والله متديرو والو غير تطمعو فينا وارواحي نقولك اختي غير يهدرو برك ونشوفو منا لجاي ونزيد نعيطلك ونحاسبك بلي مكان لا مشروع ولا والو ...

ونزلت من الحافلة من جهة أضحك ومن جهة غايضني الحـال .

احبائي زملائي :

- مــاهو رأيك العــام في أسلوب الحوار ؟
-هل تظن حقا ان المسؤول كما قال ليس بيده حيلة لحل أي اشكال ؟ وهل يا تري هناك سلطات أخري ضاغطة عليه ؟
- أين تذهب المشاريع التي دائما نسمع انها قريبا ستنجز ؟

بالتوفيق للجميع

شكرا لك ع الموضوع القيم جزاك الله خيرا

زائر

شكرا

» المواطن الجزائري فقط ..
» غياب الانضباط داخل المؤسسات التربوية ,,,,,فمن المسؤول؟
» حوار مع قلب جريح
» حوار مع القلب
» حوار مع رمضان